منتديات الزهور
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات الزهور


 
الرئيسيةالبوابةأحدث الصورالتسجيلدخول

 

 نكت على زوءك

اذهب الى الأسفل 
كاتب الموضوعرسالة
زهور

زهور


انثى عدد الرسائل : 251
الاوسمة : نكت على زوءك W4
تاريخ التسجيل : 08/01/2008

نكت على زوءك Empty
مُساهمةموضوع: نكت على زوءك   نكت على زوءك I_icon_minitimeالسبت يناير 12, 2008 5:29 pm

زوجة صحيت من النوم في نص الليل، مالقيتش جوزها في الأوضة
خرجت تدور عليه لقيته في الصالة واقف قدام النتيجة الي ع الحيطة ببص في التاريخ وبيعيط
بتقول له مالك يا حبيبي فيه ايه ؟
قال لها فاكرة من خمسة وعشرين سنة لما باباكي اكتشف اللي بينا وقال لي لو ما اتجوزتهاش دلوقتي انا حادخلك السجن تاخد تأبيدة ؟؟
قالت له طبعا فاكرة ودي حاجة تتنسي ؟
قا لها وهو بيعيط أهو لو كنت اتسجنت، كان زماني اخدت افراج النهاردة


--------------------------



يقولك مرة فار ماشى مع خطيبته فى الغابة وفجاة لاقى الاسد
فحب يعمل راجل قدام خطيبته فراح للاسد قاله: انت يا حيوان
الاسد رد قاله: انت بتشتمنى انا ؟؟
رد الفار وقاله: ايوة بقلك انت
و مشى الفار وراح وصل خطيبته لبيتها
وهو راجع قابله الاسد قالوا : انت كنت بتشتمنى انا يا فار؟؟
قالوا: لا والله دا انت ملك الغابة هو حد يقدر يشتمك؟؟
أنا بس كنت بعمل شويتين كدا قدام البت .. انا اسف وهات راسك ابوسها
طلع الفار على راسوا عشان يبوسها فلقى خطيبتوا معديه
فقال للاسد: ادوس على دماغ امك دلوقتى؟؟؟
--------------------------
فصل كله حولان بعيد عنكم
و كل واحد بيكتب في كشكول اللي جنبه
المدرسة قالتلهم اللي هايكتب في كشكوله هاديه شكولاتاية
واحد كتب في كشكوله فرحت بيه واديته الشكولاته قام حطها في بؤ اللي جنبه
--------------------------
واحدة زعلانة قوي من جوزها علشان شباك الحمام مكسور ومش راضي يصلحه
فبتقوله: يرضيك حد يشوفني وانا باستحمى؟؟
قالها ياستي اللي هايشوفك هايصلح الشباك بنفسه
--------------------------
في واحد قاعد في القطار سأل اللي جنبوا أنت بتشتغل إيه
قاله فناااان
قاله فنان يعني بتغني؟ قاله لأ
قاله بترسم؟ قاله لأ
قاله فنان إيه؟ قاله فناااااان .. بحط االعيش في الفنن
--------------------------
مره واحد بيحلف بالطلاق كتير
ابوه ضربه وقاله هاتحلف بالطلاق تاني ؟
!! قال له: عليا الطلاق منا حالف بالطلاق تاني
--------------------------
بيقولك مره واحد بخيل
ابنه: بابا انا عايز 50 قرش
أبوه: انت عايز 40 قرش هاتعمل ايه بال 30 ممعاييش غير ريال تاخد بريزه
--------------------------
مرة واحدة كل ماتشوف جوزها تقولوة ياعم روح هات
هات لنا مروحة هات لنا تلاجة هاتلنا غسالة هاتلناااا هاتلنااا هاتلناااااا
المهم قالها انتى ايه ياشيخة انتى مافيش مرة تقولى خد ؟
قالتلوة طيب خد التلفزيون صلحه
--------------------------
ابو العربى فى حرب اكتوبر راكب فلوكه فى القنال وبيحكى ويقول
لقيت فوقى واد طيار اسرائيلى اول ما شفنى حدف عليا صاروخ قمت زقيته
راح حادف واحد تانى وطيت راسى راح جاى فى الفلوكه
وقعت فى المية واتشعلقت فى خشبة وقعت اجدف بيدى
حدف عليا صاروخ تانى قمت غاطس فى القنال
برده لقيته نازل بالطيارة عليا وقرب منى خالص وحدفلى سيجارة مارلبورو وقال لي جدع يلاااا
--------------------------
مره اتنين داخلين محل جزم هو ومراته
فقال لصاحب المحل هتلها جزمه زحافي قالتله لا بكعب
قالها لا زحافي قالتله لا بكعب
فصاحب المحل زهق منهم قال للراجل ياعم هاتلها بكعب هو انت اللي بتلبس
قالوا ياعم انت مالك هو انت اللي بتضّرب
--------------------------
مرة واحد اشترى غسالة فول أوتوماتيك
مراته عزمت الجيران علشان يشوفوها حطت في الغسالة 20 كيلو غسيل
والغسالة يا عيني بتاخد بس 7 كيلو بس
وشغلتها والجيران باركولها وعزمتهم على كباية شاي
وبعد شوية الغسالة بدأت تنشف الغسيل ومن كتر الحمل عليها قعدت تتحرك ناحية البلكونة
شفتها مرات صاحبنا قامت جريت عليها وقالت لها والله ماانت نشره الغسيل أنا اللي حنشره
--------------------------
اتنين متجوزين كل ما يخرجوا فى حته مراته تقوله عايزة اروح جنينة الحيوان عند القرود
و كل يوم تروح عند الجبلاية و تفضل تأكل القرود
لغاية يوم الولادة دخلت تولد و لما الممرضة خرجت سألها الاب اية ولد ولاّ بينت؟
فقالت له الحقيقة يافندم ملحقناش نعرف .. اول ما المولود نزل نط من الشباك
-----------------------------
شرطي صعيدي في الخدمة لقى قرد في الشارع وداه للضابط المسؤول عنه وقاله : يا باشا انا لقيت قرد أوديه على فين ؟
قال الضابط : على حديقة الحيوانات
غاب الشرطي الصعيدي ساعتين ورجع هو والقرد ، الضابط بيسأله ايه الي رجعك ؟
قاله يا باشا وديته على حديقة الحيوانات ، تحب أخده دلوقتي أفسحه في الملاهي؟
----------------------
يقولك فيه حرامي دخل بيت عشان يسرق
وهو يفتش في البيت طلعت عليه صاحبه البيت وكانت تخينه اوي ومسكته ورمته على الارض وقعدت عليه
وراحت تنادي ولدها: محمد انده ابوك من على القهوه
الحرامي قاله بسرعه يامحمد وحياة والدك بسرعة
................................................................................
اتنين سكرانين ماشيين فى الشارع لقو عمود نور..
واحد قعد يخبط عليه فصاحبه قاله دة باين مافيش حد..
قاله إزاى ده النور منور
................................................................................
مهندس كمبيوتر حلل دمة طلعت فصيلتة hp

................................................................................
واحد بخيل كان بيغرق وعمال يقول بوء بوء بوء بوء بوء
فواحد معدى بيقولوا أطلعك وتديني ريال قالة:

بوء بوء بوء بوء بريزة
................................................................................
حلاق و ابنه بيتفرجوا على ماتش كوره فالواد سمع المعلق بيقول بيشوطها بمشط رجله وفي المقص الواد قال لابوه الحق يابا بيلعبوا في العدة بتاعتنا.
الرجوع الى أعلى الصفحة اذهب الى الأسفل
 
نكت على زوءك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الزهور :: القسم الترفيهى :: منتدى النكت والفرفشة-
انتقل الى: